يقع عدد كبير من مستخدمي الهواتف المحمولة في فخ القراصنة، والذين يتمكنوا من اختراق هواتفهم المحمولة ومراقبتهم صوت وصورة وتسجيل مكالمتهم بدون علمهم، وحرصًا على التصدي لتلك الظاهرة، أعلن خبير أمن المعلومات، المهندس أحمد طارق، عن طريقة سهلة لمعرفة إذ كنت مراقب عبر هاتفك المحمول أو لا.
كود مهم يكشف لك إذا كنت مراقب صوت وصورة وتسجيل مكالمات
وأضاف طارق خلال لقائه في برنامج “8 الصبح” المقدم على القناة الفضائية “دي إم سي”، بأنه يوجد كودين هامين للغاية لتحديد إن كان الشخص مراقب من خلال هاتفه الأندرويد، وأكمل “الأول تكتب *111* وتضغط اتصال، لو اتصل معاك الكود وقالك الكود غلط يبقى تيفونك تمام ومش متراقب، لكن لو ظهرلك برنامج يبقى انت متراقب، وممكن تستخدم كود تاني وهو *1234*، وتضغط اتصال وتشوف الكود هيتصل ويقولك غلط ولا هيطلعلك برنامج”.
وتابع طارق “لو ظهرلكوا برنامج عند الاتصال بالكودين اعرفوا انكوا متراقبين صوت وصورة وتسجيل مكالمات، لان دلوقتي منتشر برامج مخفية داخل الهاتف، والكودين بيظهروا البرنامج المتسبب في المراقبة”، وعلق “لو ظهرلكوا البرنامج هتدخلوا على الـ3 نقاط اللي ظاهرين في البرنامج، وهتلاقوا إلغاء تثبيت للتطبيق ده، والتطبيق ده بيجي للتليفونات أما من حد خد تليفونك ونزله عليه، أو عن طريق لينكات وهمية منتشرة”.
وأكد طارق على ضرورة استخدام تلك الأكواد للتأكد من عدم مراقبة الهاتف وتسجيل المكالمات والصوت والصورة، والإطلاع على التطبيقات السيئة الموجودة على الهاتف المحمول والتي تتسبب في مراقبة صاحبها، وأشار طارق إلى كون تلك الأكواد معروفة على مستوى العالم ويستخدمها الكثير من الأشخاص لحماية أنفسهم من فخ تلك البرامج، وينصح عدد كبير من الخبراء التقنين بها.
التعليقات