ربنا ستر.. نجاة فنانة شهيرة من حادث مروع

تعرضت الفنانة سهر الصايغ لحادث مروري خطير في وسط الطريق، وتم نقلها إلى أحد المستشفيات للتأكد من سلامتها، ونشرت سهر الصايغ منشورا على حسابها الشخصي على فيس بوك قالت فيه: الحمد لله أمس عملت حادثة كبيرة والعربية اتحشرت كلها فوق جزيرة، في نص الطريق هذا قضاء الله وقدره.

تعرض الفنانة سهر الصايغ لحادث مروع

وأضافت سهر الصايغ: “المهم مش ده، المهم إني شفت معنى كلمة ربنا يوقفلك ولاد الحلال، أنا الحمد لله ربنا وقفلي حوالي 30 راجل ولاد حلال، رفعوا العربية بأيديهم وما سيبونيش غير والعربية على الأرض.. أشكركم جدا وكتر ألف خير .. حقيقي مصر فيها رجالة بجد”.

الجدير بالذكر أن الفنانة والطبيبة سهر الصايغ قد سبق وأن نصحت جمهورها ببعض الإرشادات الصحية للحفاظ على أسنانهم، وأكدت على أنها لا تحب الهوليوود سمايل التي يتبعها الكثير من المشاهير، وقالت سهر الصايغ في تصريحات صحفية: الكلام ممكن يبان بسيط بس لازم تفرشوا سنانكم مرتين في اليوم، مرة لما تقوموا ومرة لما تنوموا، وده ممكن يزعل دكاترة السنان مني بس خلوا بالكم من تبييض الأسنان كتير.

وأضافت سهر الصايغ: تبييض الأسنان كتير ده بيضر بطبقة المينا، وحاولوا تقللوا من السجاير ولازم نكون أكتر وعي بصحة الأسنان من كدة، ونروح كل 6 شهور نعمل تنضيف أسنان وتشيك أب لأسنانا، وأوضحت سهر الصايغ، معبرةً عن عدم تفضيلها للهوليوود سمايل، وقالت: مش بحب الهوليوود سمايل لأني بعمل أدوار متنوعة فممكن أدوار تناسب هذه الخاصية وأدوار لأ، فعشان ما أكونش مقيدة بأدوار محددة، وهي فيها عيوب معينة بتتعملها، يعني مش كل واحد يعملها.